Стресстэй үед зайлсхийх ёстой хоол хүнс үү?

АНУ-ын сүүлийн үеийн судалгааны үр дүнгээс харахад,

амьтдын туршилтын үр дүнгээр өндөр өөх тостой хоолны дэглэм нь гэдэсний бичил биетнийг

устгахаас гадна гэдэс болон тархийг холбосон нарийн төвөгтэй замаар дамжин

сэтгэл түгшилтийг үүсгэх зэргээр тархинд нөлөөлж болзошгүйг дурджээ.

Судлаачид хулганыг хоёр бүлэгт хувааж,

нэг бүлэгт нь 11% орчим өөх тос агуулсан хоолны дэглэм,

нөгөө бүлэгт нь ханасан өөх тос ихтэй амьтны гаралтай бүтээгдэхүүн агуулсан 45% өөх тостой

өндөр өөх тостой хоолны дэглэм өгч, тодорхой хугацаанд өөрчлөлтийг ажиглажээ.

Үүний үр дүнд өндөр өөх тостой хоолны дэглэм хэрэглэсэн бүлгийн жин нэмэгдсэнээс гадна

гэдэсний бактерийн олон янз байдал мэдэгдэхүйц буурсан бөгөөд

ашигтай бактерийн тоо цөөрч, хортой бактерийн тоо нэмэгдсэн үр дүнг харуулсан байна.

Мөн мэдрэлийн дамжуулагч бодис болох серотонины үйлдвэрлэл болон дохио дамжуулалтад оролцдог

зарим генийн илэрхийлэлд ч ялгаа байсан гэжээ.

Серотонин нь сэтгэл санааг сайжруулдаг даавар гэгддэг боловч

серотонины мэдрэлийн эсийн тодорхой дэд бүлэг идэвхжсэн үед

сэтгэл түгшилттэй төстэй урвал үүсгэж болзошгүйг тайлбарласан байна.

Гэвч өөх тосны агууламж их байх нь

заавал муу нөлөө үзүүлдэггүй гэжээ.

Ихэвчлэн хортой нь амьтны гаралтай ханасан өөхний хүчил байдаг бөгөөд загас, оливийн тос, самар, үр тариа зэрэгт

ихээр агуулагддаг эрүүл өөх тос нь үрэвслийн эсрэг үйлчилгээ зэрэг эрүүл мэндэд олон ашигтай байдаг тул

тархины эрүүл мэнд болон сэтгэл санааг сайжруулахад тустай байж болно гэжээ.

Эх сурвалж: Comed.com