Шүдний эрүүл мэндэд муугаар нөлөөлдөг зуршлуудыг мэдэж авцгаая

Шүдний эрүүл мэндэд муугаар нөлөөлдөг зуршлуудыг мэдэж авцгаая

Америкийн эрүүл мэндийн портал ‘WebMD’ нь

шүдийг гэмтээж болзошгүй муу зуршлуудыг онцолжээ.

Хамтдаа мэдэж авцгаая.

1. Мөс зажлах

Кофе, ундаа, цай уусны дараа үлдсэн мөсийг зажилдаг хүмүүс байдаг.

Энэ нь шүдэнд томоохон асуудал үүсгэж болзошгүй юм.

Ялангуяа өндөр настнуудын хувьд шүдний ихэнх хэсэг хугарч, имплантын мэс засалд найдах тохиолдол цөөнгүй байдаг бөгөөд

мөсний хэврэг чанар, хүйтэн температур нь шүдний хугарлыг үүсгэж болзошгүй гэсэн судалгааны үр дүн ч бий.

Шүдний паалангийн гадаргуу дээр жижиг хагарал үүсч, цаг хугацаа өнгөрөх тусам шүд амархан хугарч болзошгүй тул мөс зажлах зэрэг үйлдлээс зайлсхийх нь зүйтэй.

2. Шүдийг багаж болгон ашиглах

Шүдээ ашиглан чихрийн уут задлах, лонхны таг онгойлгох, скоч таслах зэрэг

эдгээр үйлдлүүд нь шүдэнд цохилт өгдөг.

Үүнээс болж суларсан шүдний ирмэг нь хугарч эсвэл гэмтэж болзошгүй тул

ахуйн хэрэгслээ ойрхон байлгаж, шүдээ багаж болгон ашиглахаас зайлсхийх хэрэгтэй.

3. Шүдээ хавирах

Шүдээ хавирах нь шүдийг элэгдүүлдэг. Шүдээ хавирах олон шалтгаан байж болно.

Шүд тэгш бус байрлалтай, буруу хазалттай, шүд унасан эсвэл муруй байх зэрэг шалтгаанаар шүдээ хавирах тохиолдол байж болно.

Шөнө шүдээ их хавирдаг бол амны хамгаалалт (mouth guard) хэрэглэх нь тустай.

Мөн кофеин агуулсан хоол хүнс, ундаа, архины хэрэглээг багасгаж, шүдээ зуухаас зайлсхийж,

шөнөдөө чихний дэлбээний өмнөх хацарт бүлээн алчуур тавьж, эрүүний булчинг суллах нь зүйтэй.

4. Хатуу үстэй шүдний сойз хэрэглэх

Шүдний сойз хатуу байх тусам сайн гэж боддог уу? Энэ бол буруу ойлголт юм.

Ялангуяа өндөр настнууд хатуу, ширүүн үстэй шүдний сойз хэрэглэхгүй байх нь дээр.

Учир нь буйл цочирч, шүд мэдрэмтгий болж, нас ахих тусам суларсан буйл

хойш түлхэгдэж, шүдний үндэс ил гарч, шүд мэдрэмтгий болж болзошгүй юм.

Эх сурвалж: Комеди닷컴