Дархлааг сайжруулж, жин хасахад туслах 5 төрлийн ‘пребиотикууд’-ийг мэдэж аваарай

Дархлааг сайжруулж, жин хасахад сайн гэгддэг пребиотикууд.

Пребиотикууд нь ашигтай бактерийн хоол юм.

Эдгээр нь эслэг, олигосахарид зэрэг бөгөөд

гэдэс дотор шууд үйлчлэхээс илүүтэйгээр гэдэсний ашигтай бактерийн хоол болж, гэдэсний эрүүл мэндэд шууд бусаар тусалдаг.

Тэгвэл пребиотик агуулсан хүнсэнд юу юу байдаг вэ?

< Эрдэнэшиш >

Пребиотик төрлийн тэсвэртэй цардуул ихтэй эрдэнэшиш.

Тэсвэртэй цардуул нь эрдэнэшишээс гадна шош, овьёос зэрэгт их хэмжээгээр агуулагддаг бөгөөд

бүдүүн гэдэс рүү орж, бактериар задрахдаа хоолны эслэгийн үүрэг гүйцэтгэдэг.

Иймээс өтгөн хаталтыг зохицуулж, гэдэсийг эрүүл байлгахад тусалдаг. Эрдэнэшиш нь лютеинээр баялаг тул нүдний эрүүл мэндэд сайн.

< Сонгино >

Сонгино нь пребиотик инулин их хэмжээгээр агуулдаг бөгөөд

инулин нь бүдүүн гэдэсийг хамгаалах бутиратын үүсэлтийг дэмжихээс гадна,

муу холестерины түвшинг бууруулж, зүрхний эрүүл мэндэд хувь нэмэр оруулдаг.

Мөн инулин нь цусан дахь сахарын хэмжээг зохицуулахад эерэг нөлөө үзүүлдэг тул

‘байгалийн инсулин’ гэсэн хочтой.

< Хушга >

Хушга идэхэд биед муу бактерийг хөөж, ашигтай бактерийг дэмждэг сүүн хүчлийн бактери нэмэгддэг.

Мөн нэгэн судалгаагаар тодорхой хугацаанд хушга хэрэглэсэн хүмүүст бутират үүсгэдэг бактерийн тоо нэмэгдсэн бөгөөд

энэ бутират нь үрэвслийг бууруулж, бүдүүн гэдэсийг эрүүл байлгадаг өөхний хүчил бөгөөд бидний биед сайн нөлөө үзүүлдэг.

< Алим >

Алимны пектин нь ашигтай бактерийн олон янз байдлыг хамгаалж, эрүүл гэдэс үүсгэхэд хувь нэмэр оруулдаг.

Үүнээс гадна алим нь ус, эслэгээр баялаг тул жин хасахад тохиромжтой хүнс юм.

< Хар шоколад >

Хар шоколад нь пребиотик антиоксидант болох полифенолоор баялаг.

Полифенол нь сүүн хүчлийн бактери болон бифидобактерийн өсөлтийг дэмжих үүрэг гүйцэтгэдэг.

Иймээс өглөө кофе уухдаа өөх тос багатай сүү, нэмэлтгүй какаоны нунтаг нэмэх нь сайн бөгөөд

хатуу шоколад таалагддаг бол какаог дор хаяж 70%-иас дээш агуулсан хар шоколадыг санал болгож байна.

Эх сурвалж: Komedi.com