Идэвхтэй дасгал хийгээд ч булчин үүсэхгүй байгаа 5 шалтгаан

Аэробикийн дасгалыг гүйлтийн зам эсвэл дугуйн дээр хийхээс илүүтэй гадаа цэцэрлэгт хүрээлэнд алхах эсвэл гүйх нь илүү үр дүнтэй байдаг.

Харин хүчний дасгалыг фитнесс клуб эсвэл биеийн тамирын зааланд хийхээс гадна,

гэртээ энгийн багаж хэрэгсэл эсвэл өөрийн биеийн жинг ашиглан хийх боломжтой.

Гэвч гэртээ дасгал хийх эсвэл фитнесс клубт багшийн тусламжгүйгээр дасгал хийх үед ямар ч үр дүн гарахгүй байж болно.

Учир нь дасгал хийхэд хүсэл эрмэлзэл, тэвчээр чухал боловч зөв аргаар хийх нь мөн чухал юм.

Хэрэв та тогтмол хүчний дасгал хийсээр байтал булчин үүсэх зэрэг өөрчлөлт гарахгүй байвал….

Америкийн эрүүл мэнд, анагаах ухааны ‘Prevention’ сэтгүүлээс онцолсон хэд хэдэн алдааг гаргаж байгаа эсэхээ шалгаж үзье.

△Бэлтгэл хийхгүй байх

Хүчний болон аэробикийн дасгалыг өдөр бүр ээлжлэн хийж байгаа бол хүчний дасгал хийх өдөр зүрхний дасгалыг алгасна.

Гэвч хүчний дасгал хийхдээ ч хэдэн минут хөнгөн гүйх эсвэл хурдан алхах замаар бэлтгэл хийх хэрэгтэй.

Аэробикийн дасгалаар халаалт хийхэд булчин болон шөрмөсний температур нэмэгдэж, уян хатан чанар үүсдэг.

Ингэснээр дасгалын үед гэмтэх магадлал багасч, илчлэгийн зарцуулалт нэмэгддэг.

△Жин зохисгүй байх

Жин өргөх дасгал хийхдээ хэт хүнд багаж хэрэгсэл ашиглавал гэмтэх магадлал өндөр байдаг.

Хэт хөнгөн байвал дасгал биш цаг үрсэн хэрэг болно.

Хүчний дасгал хийж эхэлж байгаа хүн өөрийн өргөж чадах хамгийн их жингийн 50%-тай тэнцэх багаж хэрэгслийг ашиглан

15-20 удаа давтах нь зүйтэй.

Хамгийн их жин гэдэг нь нэг л удаа өргөж чадах жинг хэлнэ.

Анх дасгал хийж байгаа хүн 1-2 багцаар эхэлж,

тодорхой хэмжээгээр дассаны дараа хамгийн их жингийн 60-75%-тай тэнцэх дасгалын хэрэгслээр 10-15 удаа давтахыг 2-3 багцаар хийх нь зүйтэй.

△Хөдөлгөөн нь эвгүй байх

Хөдөлгөөнийг хэт хурдан давтах эсвэл хөдөлгөөнийг ашиглавал дасгалын үр дүн буурна.

Жин өргөх дасгал нь хурдан хийхээс илүү удаан хийх нь үр дүнтэй байдаг.

Хүчний дасгалыг удаан хийхэд үе мөчинд ачаалал бага өгч, зөв байрлалаар үр дүнтэй дасгал хийх боломжтой болно.

Мөн хөдөлгөөнийг ашиглавал жин булчинд зөв шингэхгүй тул үр дүн буурдаг.

△Багц хоорондын амрах хугацаа урт байх

Хүчний дасгал нь нэг багц дууссаны дараа дараагийн багцыг хийх хүртэл түр амрах хугацаатай байдаг.

Гэвч энэ амралтын хугацаанд хөлс бүрэн хатаж, бие тав тухтай болсон бол энэ нь буруу амралт юм.

Амьсгаагаа авахаар богино амралтын хугацаатай байх эсвэл багц хооронд хөнгөн зүрхний дасгал хийх нь зүйтэй.

△Нэг л дасгалыг давтах

Өдөр бүр гүйлтийн зам дээр зөвхөн хурдан алхах эсвэл дугуйн дөрөөг л эргүүлбэл

эхэндээ дасгалын үр дүн гарч байсан ч цаашид үр дүн буурч, эцэст нь зогсонги байдалд орно.

Булчинд шинэ өдөөлт өгөх үүднээс хэдэн долоо хоногт нэг удаа дасгалын эрчим эсвэл хөдөлгөөнийг өөрчлөх шаардлагатай.

Эх сурвалж: Комеди닷컴