Брокколиг зөв идэх арга

Хүнсний ногоог чанах үед шим тэжээл нь устдаг гэж та сонссон байх.

Гэхдээ брокколи бол үл хамаарах зүйл юм.

Брокколи нь хорт хавдрын эсрэг маш сайн үйлчилгээтэй бөгөөд дархлааг сайжруулахад тустай.

Гэхдээ зөв боловсруулахгүй бол эрүүл мэндэд тустай бүрэлдэхүүн хэсгүүд нь амархан алга болж болзошгүй тул

зөв идэх аргыг мэдэх нь зүйтэй.

Брокколиг ихэвчлэн чанаж, чили соустай хамт иддэг.

Мөн шөл, карри зэрэгт хийж чанаж иддэг ч

ийм арга нь үр нөлөөг бууруулах шууд зам юм.

Учир нь брокколиг 1 минутаас илүү хугацаагаар усанд чанавал үндсэн шим тэжээл нь устдаг.

БНСУ-ын Чуннам Их Сургуулийн Хүнсний Инженерчлэлийн тэнхимийн профессор Ли Ги-тэкийн багийн судалгаагаар

брокколиг буцалж буй усанд хийгээд 1 минутын дараа сульфорафаны агууламж тэг болсон!

Сульфорафан нь хорт хавдрын эсрэг болон антиоксидант үйлчилгээтэй шим тэжээл боловч халуунд мэдрэмтгий байдаг.

Тиймээс брокколиг 1 минутын дотор бага зэрэг усанд хийж болгох нь зүйтэй ч

усанд хийж болгох нь үргэлж зөв гэж хэлж болохгүй.

Брокколиг усанд хийж болгоход С витамин буурч,

75 хэмээс дээш температурт ферментүүдийн 20% нь устдаг гэсэн мэдээлэл бий.

Шим тэжээлийг аль болох хадгалахын тулд усанд хийхгүйгээр уураар жигнэх арга тохиромжтой.

Судалгаагаар брокколиг уурын зууханд 1 минут халаахад сульфорафаны 90% орчим нь хадгалагдаж,

уураар жигнэх нь сульфорафаныг идэвхжүүлдэг фермент болох миросиназыг хадгалах боломжтой байсан.

АНУ-ын Иллинойсын Их Сургуулийн судалгааны багийн хийсэн судалгаагаар брокколиг 5 минут жигнэхэд ч

миросиназа устдаггүй болохыг тогтоожээ.

Эдгээр судалгааны үр дүнгээс харахад брокколиг жигнэх нь шим тэжээлийг илүү сайн шингээхэд тустай боловч

амт, үнэрт дургүйцэх зүйл байвал тосонд хуурч эсвэл зууханд шарахад бас сайн.

Мөн брокколи нь антиоксидант бодис болох бета-каротиноор баялаг.

Энэхүү бета-каротин нь тосонд уусдаг шинж чанартай тул тосонд болгоход шингээлт нь нэмэгддэг.

Мөн тос нь ханаагүй тосны хүчил, Е витамин зэрэг их хэмжээгээр агуулсан оливийн тос эсвэл авокадогийн тос зэргийг ашиглавал

бие дэх үрэвсэл болон хорт хавдрыг дарангуйлах боломжтой.

Эх сурвалж: Komedi.com