Өвлийн улирлын жимс, витамины эх үүсвэр болох мандарин

Өвлийн улирлын жимс, витамины эх үүсвэр болох мандарин

Өвлийн улиралд санаанд ордог жимснүүдийн дундаас мандариныг орхигдуулж болохгүй.

Хэн нэгэн дулаан өрөөнд хөнжил нөмрөөд мандарин идсэн үе байсан биз дээ?

Тиймээс өнөөдөр хүйтэн өвөлд сайн витамины эх үүсвэр болдог

мандарины тухай мэдээлэл авцгаая.

Мандарин ихэвчлэн уснаас бүрддэг боловч

витамин, сахар, органик хүчил, амин хүчил, эрдэс бодис зэрэг

олон төрлийн найрлагатай бөгөөд хүйтэн үед тариалсан

мандарин нь витамин С-ээр баялаг. Үүнээс гадна нүдэнд сайн витамин А /

цусны судсыг хамгаалж, цусны даралт ихсэх, артерийн хатуурал үүсэхээс сэргийлдэг витамин Р

ханаагүй тосны хүчлийн исэлдэлтийг зогсоож, холестерин хуримтлагдахаас

сэргийлдэг витамин Е-ээр ч баялаг.

Иймээс бидний биед сайн жимс болох мандарин,

өдөрт 2 ширхэг мандарин идэхэд өдөрт авах ёстой тунг хангалттай авч чадна.

Гэхдээ мандаринд сахар агуулагддаг тул чихрийн шижинтэй өвчтөнүүд 1 ширхэг идэх нь тохиромжтой.

Мөн мандарины хальс нь ч ашигтай.

Мандарины доторх хальсанд эслэг болох пектин их хэмжээгээр агуулагддаг тул

бүдүүн гэдэсний хөдөлгөөнийг сайжруулж,

өтгөн хаталтаас сэргийлж, биед өөх тос шингэхээс сэргийлдэг.

Түүнчлэн, мандарины хальсыг сайтар угааж хатаагаад

цайнд хийж уух эсвэл жижиглэн хэрчиж жигнэмэг хийхэд нэмж идэх нь сайн арга юм.

Энд нэг зүйлийг дурдахад, хэрэв та хэт их мандарин идвэл гарын алга, хөлийн ул шарлаж

шарлалт гэж сэжиглэх тохиолдол байдаг биз дээ? Гэхдээ энэ нь түр зуурын өнгөний өөрчлөлт юм.

Улбар шар өнгөтэй мандаринд каротин хэмээх бодисын пигмент агуулагддаг бөгөөд

энэ нь ихэвчлэн гэдсэнд шингэж, цусанд холилдон биеэр тархсаны дараа үлдсэн хэсэг нь арьсан доорх өөхөнд хуримтлагддаг.

Иймээс арьсан доорх өөх каротиныг шингээсэн учраас

гарын алга, хөлийн улны арьс шар өнгөтэй харагддаг!

Жинхэнэ шарлалтын шинж тэмдэг илэрвэл гар, хөл биш нүдний цагаан хэсэг шарлах ёстой.

Эх сурвалж: Comedy.com