Биеийн байдлаас хамаарсан хоол хүнс

Хүн бүрийн биеийн онцлог өөр байдаг тул,

тодорхой хоол хүнсэнд харшлын урвал үзүүлэх зэрэг

хоолонд өөр өөрөөр хариу үйлдэл үзүүлдэг.

Иймд өнөөдөр бид нөхцөл байдлаас хамаарсан хоол хүнсний талаарх мэдээллийг хүргэхээр бэлдлээ.

Нэгдүгээрт, нуруу болон үе мөч өвдөх үед

Нуруу, үе мөчний өвдөлт нь ихэвчлэн мэдрэл, эдийн үрэвслээс үүсдэг.

Энэ үед үрэвслийн эсрэг үйлчилгээтэй омега-3 тосны хүчил агуулсан хулд загас, оливийн тос зэрэг хоол хүнс хэрэглэх нь зүйтэй.

Кали нь мөн мэдрэл, эсийн эрүүл мэндийг дэмждэг тул үрэвслээс урьдчилан сэргийлэхэд сайн нөлөөтэй бөгөөд

жимс, ногоо, бүйлс, кешью зэрэг самар их хэмжээгээр агуулдаг.

Харин элсэн чихэр, боловсруулсан хүнснээс татгалзах нь зүйтэй.

Улаан махыг хэт их идэх нь бас сайн биш.

Улаан мах нь үрэвслийн үзүүлэлтийг нэмэгдүүлдэг судалгааны үр дүн байдгийг анхаарах нь зүйтэй.

Хоёрдугаарт, ходоод дүүрэх үед

Ходоод муудах нэг шалтгаан нь лактозыг шингээж чаддаггүй

лактозын үл тэвчих байдал юм.

Лактозын үл тэвчих байдалтай хүмүүс сүүн бүтээгдэхүүн хэрэглэх үед ходоод дүүрэх мэдрэмж ихээр төрдөг бөгөөд

хүнд тохиолдолд суулгалт үүсгэж болно.

Ходоод дүүрэхийг арилгах хамгийн хялбар бөгөөд сайн арга бол ус уух явдал юм.

Иймд хангалттай ус ууж, тарвас зэрэг ус ихтэй жимс идэх нь зүйтэй.

Гуравдугаарт, ходоод хорсох үед

Ходоодны хүчил буцаж урсаж, ходоод хорсох үед ходоодыг цочроодог халуун ногоотой хоолноос зайлсхийх нь зүйтэй.

Удаан шингэдэг хоол хүнс нь мөн ходоод хорсох шалтгаан болдог бөгөөд

боловсруулсан хүнс нь биед орж, боловсруулагдах хугацаа их шаарддаг.

Ходоодны хүчлийг шингээж, ходоодонд хүчил хуримтлагдахаас сэргийлж, ходоод хорсохоос урьдчилан сэргийлэх хоол хүнсэнд

овъёос, төмс, цардуул ихтэй хоол хүнс, витамин С зэрэг багтана.

Брокколи болон бусад ногоон навчит ногоонд витамин С их хэмжээгээр агуулагддаг тул

эдгээр нь мөн сайн хоол хүнс гэж хэлж болно.

Эх сурвалж: Comed.com